 |
| يوخاري شوله، قوزلو كندي نين گوزل شوله لريندن بيري |
شوله لر دره سي Şülələr Dərəsi ، اون لار جا بويوك كيچيك شوله سي (شوران - ي) اولماق لا، اردبيل ايالتي، گئرمي بولگهسي هابئله قوزلو كندي نين گزملي گورمه لي يئرلريندير. شوله لر دره سي، اوزون بير دره اولاراق، قوزلو كندي نين آشاغاسيندان (گونئي دوغوسوندان) باشلانيب؛ آشاغا شاوون (شوون) كندي نين ياخين ليغندا، قوزاي Quzay و گئن درهنين Gen Dərə اته يينده (قوزلونون قوزئي دوغوسوندا) قورتارير. بو گوزل دره ايمكانات ياراتماق لا بويوك و گوزل بير توريست سئور يئره چئوريله بيلر.
شوله لر دره سين شوله لري، قوزلو چایی Qozlu Çayı نين دره لره نين بويوك قيسميني تشكيل ائدير. قوزلو چايي، اوجرلو چای Ücərlü Çay نين قول لاريندان دير. بو دره نين اونملي شوله لرين دن بویوک شوله Böyük Şülə، قیزیل قایا شوله سی Qızıl Qaya Şüləsi، یوخاری شوله Yuxarl Şülə و باشقالارين آد چكمك اولار.
بويوك شوله 21 مئتير اوجاليق لا، دره نين سون حيصه سينده، قوزلو و شاوون كندلري آراسيندا يئ
 |
| بويوك شوله، شوله لر دره سي نين ان بويوك شوله سي، قوزلو كندي |
رلشيب. بو شوله، شوله لرينين ان اوجاسي دير. يوخاري شوله 16 مئتير اوجاليق لا، قوزلو كندي ندن 300 مئتير آراليق لا، كندين گونئي دوغوسوندا يئرلشيب. بو شوله لر خيردا شوله لرله بيرليكده، گوزل ليك توپلومو ياراديب لار. عوموميت له، شوله لرين چوخ سايي سي، شوله لر دره سي نين اورتا لاريندا يئرلشيب لر. بويوك شوله دره نين ان اوجا هابئله سون شوله سي اولاراق تانينماق دا دير.
دره نين اوزونلوغوندا (بويوندا) چئشيدلي آغاج لار و تورلوتورلو هالاخ لار وارديرلار. ياشيل ليغلا برابر داش و تورپاق بو گوزل ليك لرين موكميل لي دير. دره نين ايچينده اوستونلوك ياشيل ليغلادير؛ درنين ديب يندن آرا آچيب دره نين يوخاري لاري نا قالخماق لا داش و تورپاق چوخاليرلار. سو، آغاج، داش، تورپاق و گوزل سس (سو و قوش لارين اوخوما سسي) شوله لر دره سي نين گوزل لييني گوستريرلر.
يئريمك، كئچمك و قدم لمك اوچون جيه يول لار (ائني آز يول لار) ciyə yol دره نين قيراغيندا داوام ائدير. دره نين ائن ليي، چاي ين يان يوره سينده عوض اولماق لا، اوتاي بوتايا كئچير. بو يول لاردان كئچمك اوچون، تئز تئز چاي ين اوتاي بوتاي ينا كئچمك لازيم اولور.
هیچ نظری موجود نیست:
ارسال یک نظر